Memorandumning asosiy maqsadi davlat taʼlim andozalariga javob beradigan yuqori malakali mutaxassislarni tayyorlashda hamkorlik qilish, muzey mutaxassislarini Renessans universiteti oʻquv jarayonlariga jalb qilish, jumladan, maʼruzalar oʻqish, mahorat darslarini oʻtish; magistrlar, doktorantlarga ilmiy rahbarlik qilish; tarix fanining dolzarb masalalari boʻyicha ilmiy tadqiqotlar va ilmiy izlanishlar olib borishda tajriba almashish; yangi tadqiqotlarning taqdimotini, turli koʻrgazmalarni hamkorlikda oʻtkazish hamda natijalarini jamoatchilikka yetkazish; talabalarining muzeyda malakaviy amaliyotlarini tashkil etish boʻyicha amaliy hamkorlikni yoʻlga qoʻyish; Temuriylar davri tarixining dolzarb masalalari, muzeyshunoslik va muzey ishi boʻyicha qoʻshma ilmiy konferensiyalar, seminarlar va simpoziumlar oʻtkazishdan iboratdir.
