2021 yilning 10 fevral kuni O‘zR FA Temuriylar tarixi davlat muzeyida Xalqaro Amir Temur xayriya jamoat fondi, Toshkent davlat Sharqshunoslik Universiteti, Toshkent shahar 274-sonli umumtaʼlim o‘rta maktabi va Yoshlar media akademiyasi bilan hamkorlikda Alisher Navoiy va Zahiriddin Muhammad Bobur tavallud sanalariga bag‘ishlangan «Adabiy merosimiz ustunlari» mavzuida maʼnaviy-maʼrifiy tadbir bo‘lib o‘tdi.
Tadbir Temuriylar tarixi davlat muzeyi direktori, t.f.n. X.T.Fayziyev tomonidan ochib berildi.
Tadbirda “Temuriylar davri ilm-fan va madaniyati”, “Alisher Navoiy va Kamoliddin Behzod – maʼrifat homiylari”, “Alisher Navoiyning “Muhokamatul lug‘atayn” asari hususida”, “Alisher Navoiy bunyodkorligi haqida yozma maʼlumotlar”, “Vatanimizning boy tarixi – milliy ruh tayanchi” mavzularida maʼruzalar tinglandi. Shuningdek, Toshkent shahar 274-sonli umumtaʼlim o‘rta maktab o‘quvchilari tomonidan saxna ko‘rinishlari namoyish etildi.
Tadbir ishtirokchilariga muzey maʼmuriyati tomonidan faxriy yorliq va esdalik sovg‘alari taqdim etildi.
